«Ǵylmanı» meshiti Qarttar men múgedekter úıine aıttap qaıtty (FOTO)

14 tamyz 2019 6032 0
Оqý rejımi

Qasıetti Qurban aıt merekesine oraı, «Sádýaqas qajy Ǵylmanı» meshitiniń Bas ımamy Nurlan Ramazanov bastaǵan meshit ujymy «Qarttar men múgedekter» úıine arnaıy aıttap qaıtty.

Jyl saıyn jalǵasyp kele jatqan úrdis boıynsha, «Sádýaqas qajy Ǵylmanı» meshitiniń «Áıel-qyzdar sektory» janynan qurylǵan «Analar mektebi» músheleriniń demeýshiligimen jáne áıelder jamaǵatynyń ustazy Álııa Aýsaǵatova jáne Aıgúl Kóksegenqyzynyń uıymdastyrýymen,  Elorda ákimdiginiń «Sharapat áleýmettik qyzmet kórsetý ortalyǵyna» arnaıy baryp, qarııalar men múmkindigi shekteýli jandarǵa qaırymdylyq dastarhany jaıylyp, tábárik syılyqtar úlestirildi.

Sóz basynda bas ımam Nurlan Bekbolatuly júzderine qaıaý túsken qarııalarǵa qamqorlyq kórsetý jáne qurmettep syılaý týraly ımanı áńgime qozǵady.

Qazirgi tańda Nur-Sultan qalasy ákimdiginiń Sharapat áleýmettik qyzmet kórsetý ortalyǵynda 26-98 jas aralyǵynda 350-ge jýyq qarttar men múmkindigi tómen jandar turyp jatyr. Olardyń arasynda 4 Ekinshi dúnıejúzilik soǵystyń ardageri, 11 soǵys ardagerine teńestirilgender, 27 tyl eńbekkerleri, 4 qýǵyn-súrgin qurbandarynyń urpaqtary bar. I-II toptaǵy  125 múgedek jandarǵa ońaltý ortalyǵy jumys isteýde.

Merekelik is-sharalar aıasynda jaıylǵan dastarqan basynda, dástúrli ánshi Jalǵas neshe túrli án quıqyljytyp, ondaǵy taǵdyrdyń aýyr taýyqymetin tartqan azamattardyń bir sátke bolsyn kóńilin serpiltip tastady. Mekeminiń qyzmetkerleri jáne sondaǵy turǵyndar jaqsy keshke kýá bolyp, merekelik shattyqqa bólendi.

Óz kezeginde qarttar úıiniń qyzmetkerleri men turǵyndary meshit ujymyna óz rızashylyqtaryn bildirip, alǵys hattarymen marapattap, izgi tilekterin aıtty.

 

Pіkіrler Kіrý