«Ǵylmanı» meshitinde 100 otbasyna qaıyrymdylyq kómek kórsetildi (FOTO)

09 mamyr 2019 751 0
Оqý rejımi

Alla Taǵala óziniń jolynda muqtaj jandarǵa qol ushyn beretin jomart pendelerin aıryqsha jaqsy kóredi deıdi dinimizde. Darhandyq, jomarttyq, qaıyrymdylyq qazaq halqynyń boıyna sińgen qasıet.

Osy oraıda, Nur-Sultan qalasy «Sádýaqas qajy Ǵylmanı» meshiti tarapynan kómekke muqtaj otbasylarǵa qaıyrymdylyq retinde bastaý alǵan «Jaqsylyqqa jarysaıyq» atty qaıyrymdylyq aktsııasy uıymdastyryldy. Qasıetti Ramazan aıynyń 4-shi kúni meshitke kelip ótinish bergen  kóp balaly analar, asyraýshysynan aırylǵan jalǵyzbasty jandar jáne múgedek  t.b áleýmettik jaǵdaıy tómen 100 januıaǵa «Sádýaqas qajy Ǵylmanı» meshitiniń bas ımamy Nurlan Ramazanovtyń uıymdastyrýymen jáne demeýshi azamattardyń qoldaýymen  otbasylyq azyq-túlik paketi úlestirildi. Árbir otbasyna (un, kúrish, maı, qant, makaron, sheker t.b.) tabystaldy.

Esterińizge sala keteıik, qulshylyq ordasyndaǵy qaıyrymdylyq sharalary oraza bastalǵan kúni «Muqtajdyń muńyn bólis!» atty aktsııasy aıasynda bastaý alyp, 20 otbasyǵa qaıyrymdylyq kómek kórsetilgen bolatyn. Sondaı-aq, Bas ımam Nurlan Bekbolatuly «Jaqsylyqqa jarysaıyq» atty qaıyrymdylyq aktsııasy Ramazan aıy boıy jalǵasatyndyǵyn jáne qaıyrymdy da jomart jandardyń atalǵan sharaǵa atsalysýyǵa shaqyratynyn jetkizdi.

Pіkіrler Kіrý