«Halal guide» mobıldi qosymshasy iske qosyldy
Elimizdiń qaı aımaǵynda bolsańyz da, sizge halal ónimdi tabýǵa kómektesetin «Halal Guide» mobıldi qosymshasy iske qosyldy.
Budan bylaı «QMDB halal» ónimder tizimin androıd platformasyna arnalǵan mobıldi qosymsha arqyly jeńil izdep, taba alasyzdar!
Halyq suranysy boıynsha jasalǵan «Halal Damý» saıtynyń androıd platformasyna arnalǵan «HALAL GUIDE» qosymshasynyń negizgi mıssııasy – «QMDB halal» ónimderdi jersharynyń kez-kelgen núktesinde izdep-tabýdy qoljetimdi etý. Halalǵa janashyr kásibı mamandardyń uzaqmerzimdi izdenisi nátıjesinde jasalǵan qosymshasynyń basty artyqshylyqtary:
Birinshiden, kez-kelgen ónimniń «QMDB halaldan» sertıfıkattaýdan ótken-ótpegendigin jyldam tekserý múmkindigi.
Ekinshiden, dúkenge barǵanda ónim qaptamasynda kórsetilgen «E taǵamdyq qospalardyń» ruqsat etilgen, ruqsat etilmegen, kúmándi túrlerin lezde anyqtaýdyń qoljetimdiligi.
Úshinshiden, óz aımaǵyńyzdaǵy sertıfıkattalǵan «et dúkenderi» men «qoǵamdyq tamaqtaný oryndaryn» izdep tabýdyń jeńildetilýi. Aldaǵy ýaqytta meshit kartalaryn qosý josparlanýda.
Sonymen qatar, IOS platformalaryna arnalǵan mobıldi qosymshasy daıyndalyp jatqandyǵyn, jaqyn arada iske qosylatyndyǵyn eskertemiz.
«Halal Guide» qosymshasynda kórsetilgen derekter «www.halaldamu.kz» saıtynda kórsetilgen resmı aqparattar negizinde jasalǵandyǵyn, árdaıym jańartylyp otyratyndyǵyn jáne Qazaqstan musylmandary dinı basqarmasyna tıesili «Halal Damý» standarttaý jáne sertıfıkattaý uıymynyń resmı qosymshasy ekendigin habarlaımyz!
Qosymshasyn ornatý úshin, myna silteme boıynsha júkteýge bolady https://play.google.com/store/apps/details?id=kz.halaldamu.myapplication
