I respýblıkalyq Aqsaqaldar forýmy bastaldy (FOTO)

Elordada Qazaqstan musylmandary dinı basqarmasynyń uıymdastyrýymen «Qarııalar – el qazynasy» I respýblıkalyq aqsaqaldar forýmy bastaldy.

Forýmǵa QR Memlekettik hatshysy Hatshylyǵy meńgerýshisiniń orynbasary Erjan Baıtiles, Aqparat jáne qoǵamdyq damý vıtse-mınıstri Serik Egizbaev, QMDB Tóraǵasy, Bas múftı Naýryzbaı qajy Taǵanuly, sondaı-aq aqsaqaldar keńesiniń músheleri Myrzataı Joldasbekov, Ómirzaq Ozǵanbaev, Murat Jurynov, Jabal Erǵalıev, Shalataı Myrzahmetuly, Marat Toqashbaev syndy qoǵam qaıratkerleri men respýblıkanyń túkpir-túkpirinen belsendi aqsaqaldar men oblys bas ımamdary qatysýda.

Jıyn qasıetti Quran aıattaryn oqýmen bastalsa, Bas múftı Naýryzbaı qajy Taǵanuly baıandama jasap, arnaıy daıyndalǵan beınerolık aqsaqaldar nazaryna usynyldy.

Forýmnyń maqsaty – qazaq tarıhyndaǵy qarııalardyń róline toqtalyp, qazirgi qoǵamdaǵy aqsaqaldyń rólin aıqyndaı otyryp, tárbıeniń tiregine balanǵan atalar mektebin qalyptastyrý.