II HALYQARALYQ QURAN JARYSYNA 5 KÚN QALDY
Qazaqstan musylmandary dinı basqarmasynyń uıymdastyrýymen 2025 jyldyń 15-16 qazan kúnderi Astana qalasynda ulttyq merekemiz – Respýblıka kúnine jáne QMDB-nyń 35 jyldyq mereıtoıyna oraı ótetin II halyqaralyq Quran jarysyna 5 kún qaldy.
Respýblıkalyq bas meshitte ótetin saıysqa tómendegi memleketterdiń qarılary qatysady:
Qazaqstan, Qyrǵyzstan, Bahreın, Iran, Reseı, Sheshenstan, Marokko, Túrkııa, Saýd Arabııasy Koroldigi, Palestına, Ázirbaıjan, Birikken Arab Ámirlikteri, Tatarstan, Indonezııa, Tájikstan, Ózbekstan, Mysyr, Malaızııa, Aljır, Pákistan elderiniń qarılary qatysady. Qatysýshylar Qurandy tolyq jatqa oqýdan baq synaıdy.
Halyqaralyq jarysqa Qazaqstan, Túrkııa, Mysyr, Birikken Arab Ámirlikteri, Qyrǵyzstannan shaqyrylǵan álemge tanymal, tájirıbeli qarılar tórelik etedi.
Eki kúnge jalǵasatyn halyqaralyq Quran jarysyn múftııattyń tól arnasy «Munara TV», «Mýftııat QMDB» YouTube arnasy jáne QMDB-nyń resmı áleýmettik jelidegi paraqshalarynan tikeleı Efırde tamashalaýǵa bolady.
Aıta keteıik, 2023 jyly elimizde alǵash ret uıymdastyrylǵan halyqaralyq Quran jarysynda marokkolyq qarı Ilıas Hajrı úzdik shyǵyp, jeńimpaz atanǵan bolatyn.
Ótetin orny: Astana qalasyndaǵy Respýblıkalyq bas meshit
Bastalýy: 15 qazan 2025 jyl, saǵat 10:00
Barsha otandastarymyzdy halyqaralyq deńgeıde ótetin Quran jarysyn tamashalaýǵa shaqyramyz!
