«IMAM AI» JASANDY INTELLEKT NEGIZINDE ISTEITIN MOBILDI QOSYMShASY ISKE QOSYLADY
Qazaqstan musylmandary dinı basqarmasy jasandy ıntellekt negizinde jumys isteıtin, senimdi derekkózderge súıenip, dinı suraqtarǵa lezde jaýap beretin «Imam AI» mobıldi qosymshasyn ázirlep iske qospaq. Bul týraly Bas múftı Naýryzbaı qajy Taǵanuly 2026 jylǵa arnalǵan Baǵdarlyq baıandamasynda málimdedi.
«Zaman talabyna saı biz de jasandy ıntellekt múmkindikterin dinı salada júıeli túrde engizýdi qolǵa alýymyz qajet. Bul, eń aldymen, halyqtyń dinı suraqtaryna jedel ári senimdi jaýap berýge, sondaı-aq din qyzmetkerleriniń júktemesin azaıtýǵa jol ashady.
Osy oraıda, jasandy ıntellekttiń kómegimen dinı suraqtarǵa jaýap beretin arnaıy mobıldi qosymshany ázirleý qajet. Mundaı qosymsha halyqtyń kúndelikti ómirde týyndaıtyn dinı suraqtaryna lezde jaýap alýǵa, eń bastysy senimdi, tekserilgen derekkózderge negizdelgen durys málimetke qol jetkizýge múmkindik beredi.
Osyǵan baılanysty, jasandy ıntellekt negizinde jumys isteıtin, senimdi derekkózderge súıenip, dinı suraqtarǵa lezde jaýap beretin «Imam AI» mobıldi qosymshasyn usynatyn bolamyz»,- dedi Bas múftı.
