«IMAN JAZ-2023»: ShÁKIRTTER ULTTYQ MÝZEIGE SAIaHAT JASADY (FOTO)

Búgin «Áziret Sultan» meshitiniń «Imanı jaz-2023» jazǵy saýat ashý kýrsynda bilim alyp jatqan 600 shákirti ulttyq mýzeıge saıahat jasady.

Oqýshylardyń mekteptegi oqýy aıaqtalysymen elimizdegi qulshylyq ordalarynda dástúrli «Imanı jaz» jazǵy saýat ashý kýrsy ashylyp, elimiz boıynsha myńdaǵan búldirshin jazǵy demalystarynda paıdaly bilim alyp, ımandylyq nárimen sýsyndaýǵa kirisken bolatyn. Osy oraıda, Astana qalasyndaǵy «Áziret Sultan» meshitinde 3 maýsym kúni jazǵy saýat ashý kýrsy óz jumysyn bastap, jalpy sany 600 bala qabyldanǵany jaıly jarııalaǵan bolatynbyz.

Kýrs baǵdarlamasy aıasynda búldirshinder arabsha hat tanyp, Quran oqýdy meńgerip qana qoımaı, ádep, ǵıbadat sabaqtaryn da ótip, rýhanı kórkemdikke qol jetkizý josparlanǵan. Sondaı-aq, ata-anany qurmetteý, bilim ıgerý, Otandy súıý, jamandyqtan qashyq bolyp, jaqsylyq jasaýǵa talpyný sekildi túrli ıgi qasıetterdi boılaryna sińire túsý maqsatynda tálim-tárbıe jumystary da qarqyndy júrgizilip keledi. Saýat ashý kýrsynyń ár kúni búldirshinderdiń yntasyn arttyra túsý úshin túrli vıktorınalyq suraqtar qoıylyp, ulttyq oıyndar da ótkizilip turady.

Búgin osyndaı ıgi sharalardyń biri – «Tarıhtan taǵylym» saıahat sabaǵy bolyp ótti. Jyl saıyn jazǵy saýat ashý kýrsynyń qatysýshylary arasynda dástúrli túrde ótip kele jatqan «Tarıhtan taǵylym» sharasy aıasynda bala shákirtter Ulttyq mýzeıge saıahat jasady. Meshit ımamdary men ustazdarynyń arnaıy jetekshiligimen búldirshinder mýzeı ishinde týǵan tarıhymyzben tanysyp, qundy jádigerlerdi tamashalap qaıtty.

Sýretterdi «FOTOGALEREIa» aıdarynan kóre alasyzdar!

Источник: Aidos