Iran elshisi Bas múftıge alǵysyn bildirdi (FOTO)

Búgin Iran Islam respýblıkasynyń Qazaqstandaǵy tótenshe jáne ókiletti elshisi Modjtaba Damırchılý QMDB tóraǵasy, Bas múftı Serikbaı qajymen kezdesý ótkizdi. Astana qalasyndaǵy elshilik qyzmetiniń aıaqtalýyna baılanysty eline qaıtyp bara jatqan Modjtaba Damırchılý Serikbaı qajy Orazǵa óz alǵysyn bildirip shyqty.

Tórt jyl ýaqytyn Eloradamyzda ótkizgen ırandyq elshi osy jyldar ishinde Serikbaı qajy Orazben tyǵyz qarym-qatynasta bolyp, aralarynda ornaǵan rýhanı dostyqty joǵary baǵalaıtynyn bildirdi. Sondaı-aq, QMDB tóraǵasynyń dinı qaıratkerligi jaıynda da pikirin aıtyp, eki memleket arasyndaǵy rýhanı yntymaqtastyqty arttyrýǵa qosqan úlesin atap ótti.

Bas múftı Serikbaı qajy Oraz da Iran elshisine óz qurmetin tanytyp, osy tórt jyl ishinde elimizde ótken túrli is-sharalarǵa belsene atsalysyp, atqarǵan eńbekteri jaıynda jyly lebizin bildirdi. Kezdesý sońynda Bas múftı óziniń «Uly Dala tósindegi Islam dini» atty kitabyn syıǵa tartty. Qazaq dalasyndaǵy Islam tarıhymen tanystyratyn qundy eńbekke tánti bolǵan ırandyq elshi Serikbaı qajy Orazdan arnaıy ruqsat surap, atalmysh eńbekti parsy tiline aýdaryp shyǵýǵa nıeti baryn jetkizdi.