Islamdyq qarjylandyrýdyń ıgiligi mol (FOTO)

Almatydaǵy dinı basqarmanyń ǵımaratynda QMDB tóraǵasynyń birinshi orynbasary, naıb múftı, «Áziret Sultan» meshitiniń Bas ımamy Naýryzbaı qajy Taǵanuly «Al Saqr Fınans» AQ TMD naryǵynda qyzmet kórsetetin jetekshi ıslamdyq qarjylyq kompanııanyń basqarma tóraǵasy Danııar Ospanovty qabyldady.

Áńgimege sońǵy jyldary búkil álemde róli artyp kele jatqan ıslamdyq qarjylandyrýdyń Qazaqstan Ekonomıkasyn ártaraptandyrý men damytýǵa yqpal etý maqsatynda oǵan qor quıýdyń balama kózderin engizý jaıy sóz boldy. Onyń ishinde ındýstrııaldyq damý josparlaryn júzege asyrý úshin syrtqy uzaq merzimdi ınvestıtsııalar tartý qajettigi, ınvestıtsııalyq aǵyndardy ártaraptandyrý, sondaı-aq halyqqa qarjylandyrýdyń balama kózderin usyný týraly pikirler ortaǵa salyndy. Bul úshin eń aldymen Islamdyq qarjy júıesiniń ne ekenin jáne onyń qalaı jumys isteıtinin kópshilikke túsindirý qajet. Osyǵan oraı Naýryzbaı qajy Taǵanuly Islamdyq bank júıesi qyzmetkerleriniń dindarlar arasynda ıslamdyq qarjylandyrýdyń tártibi men ereksheligi jaıly júıeli túrde semınarlar ótkizý jáne kelesi jyldan bastap buǵan qatysty naqty is-sharalar belgileý qajettigin qaperge saldy.

​