«IZGILIKPEN IZ QALDYR»: EREKShE KÚTIMDI QAJET ETETIN BALALARǴA DASTARHAN JAIYLDY
«Igi ister marafony» respýblıkalyq jobasy aıasynda qolǵa alynǵan «Izgilikpen iz qaldyr» jobasynyń alǵashqy is-sharasy uıymdastyryldy. Astana qalasynyń bas ımamy Nurbek qajy Áýeshanuly erekshe kútimdi qajet etetin balalarǵa áleýmettik kómek kórsetý ortalyǵynyń qyzmetkerlerin, balalar men olardyń ata-analaryn arnaıy qarsy aldy.
Izgi kezdesý «Izgilikpen iz qaldyr» jobasy aıasynda uıymdastyryldy. Bas ımam qonaqtarǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń arnaıy sálemin jetkizip, izgi tilegin bildirdi.
Kókshetaý qalasynan «Áziret Sultan» meshitin arnaıy zııarat etýge kelgen qonaqtarǵa meshittiń tarıhy men tynys-tirshiligi tanystyrylyp, Ekskýrsııa uıymdastyryldy. Qonaqtar meshittiń sáýletimen jáne qulshylyq oryndarymen tanysty.
Kezdesý barysynda aq dastarhan jaıylyp, balalar men ata-analarǵa arnaıy dám usynyldy. Bas ımamnyń jyly yqylasy men meshit ujymynyń kórsetken qurmeti qonaqtarǵa erekshe áser qaldyrdy.
Aıta ketsek, arnaýly áleýmettik kómek kórsetý ortalyǵy qart adamdarǵa, múmkindigi shekteýli jandarǵa, sondaı-aq aýyr jáne asqynǵan syrqattary bar balalar men jasóspirimderge áleýmettik qyzmet kórsetedi. Ortalyqtyń ereksheligi – qyzmet alýshylardy ınternatqa ornalastyrmaı, áleýmettik qyzmetkerlerdiń olardyń úılerine baryp kómek kórsetýi. Sonymen qatar mekeme áleýmettik qyzmetkerlerdi daıarlaý jáne qaıta daıarlaý baǵytynda da jumystar atqarady.
Kezdesý sońynda ortalyq basshysy Anjela Maratqyzy, ata-analar qaýymy men áleýmettik qyzmetkerler meshit ujymyna kórsetilgen qurmet pen yqylas úshin rızashylyqtaryn bildirdi.
Izgi júzdesý sońynda qonaqtar meshit ujymymen estelik sýretke túsip, jaqsy kóńil kúımen tarqasty.
Источник: Aisha
