KELISIM – KELEShEK KEPILI
Qurmetti qaýym! Qadirli baýyrlar!
Barshańyzdy Rýhanı kelisim kúni merekesimen shyn júrekten quttyqtaımyn! Alla Taǵala árbir otbasyǵa baq pen bereke násip etkeı!
Elimizde osynaý aıtýly kúnge mańyz berilip jatqan jaıttyń da ózindik aıryqsha máni bar. Óıtkeni rýhanı kelisimsiz keleshek joq. Bul data elimizdegi barsha ult pen ulys, din ókilderiniń rýhanı birligi men ózara baýyrmashyldyq baılanysyna úlken serpin berýde.
Allaǵa shúkir, búginde Eýrazııa júreginde beıbit ǵumyr keship kele jatqan Qazaqstan tórtkúl dúnıege bitimger, araaǵaıyn, ymyrashyl irgeli el retinde tanyldy.
Ózderińizge málim, jýyrda elordamyzda Memleket basshysy Qasym-Jomarat Kemelulynyń qatysýymen Álemdik jáne dástúrli dinder lıderleriniń jetinshi sezi ótti.
Álem halqyn birlik pen ıgilikke bastaǵan bul jıynnyń Qazaq topyraǵynda turaqty túrde ótkizilip kelýiniń ózindik máni bar. Prezıdentimiz aıtqandaı, Qazaq jeri ǵasyrlar boıy Batys pen Shyǵystyń arasyndaǵy baılanysqa altyn kópir bolyp keledi.
Sezd dinder arasyndaǵy tatýlyqty nyǵaıtyp qana qoımaı, búkil musylman áleminiń rýhanı tutastyǵy men birligine qyzmet etýde.
Alla Taǵala qasıetti Quranda «Maıda» súresiniń 2-aıatynda: «Izgi isterge, taqýalyqqa kómektesińder. Kúná jasaýǵa, jaýlyqqa járdemshi bolmańdar...» deıdi. Meıirimdilik pen keshirimdilik – barsha qaýymǵa ortaq qasıet.
Jer shary – bárimizdiń ortaq mekenimiz. Sondyqtan jer betine beıbit ómir ornatý – kúlli adamzattyń tilegi. Biz – qashan da alaýyzdyqqa qarsy tura bilgen elmiz. Etnosaralyq jáne konfessııaaralyq qatynastyń qanshalyqty mańyzdy ekenin barlyq adam tereń túsinýi tıis. Endeshe, qoǵamdaǵy birlik pen kelisimdi kózdiń qarashyǵyndaı saqtaıyq!
Alla Taǵala elimiz ben jerimizge jaqsylyǵyn jaýdyryp, halqymyzdyń yntymaǵy men yrysyn arttyrǵaı. Ámın!
Naýryzbaı qajy TAǴANULY
QMDB Tóraǵasy, Bas múftı
