Kezekti apparat jınalysynda keleli máseleler talqylandy (FOTO)

Búgin Elordada Bas múftı Serikbaı qajy Orazdyń tóraǵalyǵymen kezekti apparat jınalysy ótti. Jınalysqa naıb múftı Baýyrjan Esmahan, QMDB Apparat basshysy Ǵylymbek Májıev, QMDB qyzmetkerleri qatysty.

Májilistiń kún tártibinde III respýblıkalyq ımamdar forýmyn ótkizý, dinı rásimder men dinı laýazymdardy birizdilikke túsirý, meshitter janyndaǵy dinı saýat ashý kýrstarynyń oqý baǵdarlamasyn bir júıege keltirý, «Múftııat baspasy» atynan tanymdyq kitaptardy shyǵarý, ǵalamtor men áleýmettik jelilerdegi jumysty jandandyrý, t.b. máseleler talqylandy.

«Múftııattaǵy ár mamannyń orny men qyzmeti biz úshin qymbat. Ár qyzmetker belsendi jumys nátıjesin kórsete bilýi tıis. Igi jobalardy júzege asyrýda birligimizdi kórsetip, tabandylyq tanytýymyz kerek. Aldymyzda atqaratyn úlken shara – III respýblıkalyq ımamdar forýmyn uıymdastyrý. Bul ıgi sharany joǵary deńgeıde ótkizý úshin árqaısymyz óz salamyz boıynsha belsendi túrde atsalysýymyz qajet», – dep atap ótti Bas múftı Serikbaı qajy Oraz.

Májilis sońynda QMDB tóraǵasy din qyzmetkerlerine naqty tapsyrmalar berdi.