HALAL DAMÝ MAMANDARYNYŃ JIYNY ÓTTI
Búgin QMDB Tóraǵasy, Bas múftı Naýryzbaı qajy Taǵanulynyń arnaıy tapsyrmasymen 2026 jylǵa bektilgen josparǵa sáıkes «Halal Damý» mamandaryna arnalǵan respýblıkalyq semınar ótti. Jıyndy QMDB tóraǵasynyń orynbasary, naıb múftı Ermek Muqataı ashyp, Bas múftıdiń sálemin jetkizdi.
Ermek Qasbolatulynyń tóraǵalyǵymen ótken respýblıkalyq semınarǵa «Halal Damý» dırektory Aıbek Asqarbekuly, mekeme qyzmetkerleri jáne óńirlik ókilder qatysty. Jıyn barysynda ótken jylda atqarylǵan jumystardy qorytyndylanyp, 2026 jylǵa arnalǵan naqty josparlar men mindetterdi aıqyndaldy. Sondaı-aq, 2025 jyly júzege asqan jobalar men qol jetkizgen jetistikter úshin sala mamandaryna alǵys aıtyldy. Sonymen qatar, óńirlerdegi jumys barysy, ózekti máseleler jáne olardy sheshý joldary nazarǵa alyndy.
Sonymen birge, 2026 jyly halal standarttaryn odan ári kúsheıtý, sertıfıkattaý úderisin jetildirý, baqylaý tetikteriniń ashyqtyǵyn arttyrý jáne tutynýshylar senimin nyǵaıtý boıynsha naqty tapsyrmalar júktedi. Sondaı-aq, QMDB Tóraǵasy, Bas múftı Naýryzbaı qajy Taǵanulynyń bastamasymen alǵash ret Almaty qalasynda ótetin «QMDB EXPO-2026» kórmesi halal salasyndaǵy ózekti máseleler talqylanyp, jańa bastamalar men naqty sheshimder usynylatyn mańyzdy alańǵa aınalatynyn jetkizdi.
Al «Halal Damý» dırektory Aıbek Asqarbekuly óz baıandamasynda mekemeniń aldaǵy kezeńge josparlanǵan jańa bastamalary men jobalaryna toqtaldy. Atap aıtqanda, halal talaptary boıynsha kásiporyndarǵa arnalǵan oqytý-trenıngterin arttyrý, baqylaý júıesin jetildirý, óńirlerde aqparattyq-aǵartýshylyq jumystardy kúsheıtý, sondaı-aq otandyq halal ónimderin shetel naryǵyna shyǵarýdyń múmkindikterin keńeıtý máseleleri kóterildi.
Jıyn qorytyndysy boıynsha aldaǵy jylǵa arnalǵan naqty tapsyrmalar men mindetter bekitilip, ár óńirge arnaıy is-sharalar jospary taratyldy. Bul qujattar óńirlik ókilderdiń jumysyn júıeleýge jáne halal ındýstrııasyn jańa deńgeıge kóterýge baǵyttalmaq.
