«Halyq arna» Nur-múbarak ýnıversıtetinde boldy (FOTO)
Qazaqstan musylmandary dinı basqarmasynyń «Halyq arna» telearnasynyń dırektory Nurjan Darqulov Nur-Múbarak ýnıversıtetine arnaıy at basyn tiredi.
Ýnıversıtet prorektory, dotsent Qaırat Qurmanbaev qurmetti qonaqtarmen suhbattasyp, bolashaq jobalar jóninde talqylady. «Halyq arna» dırektory Nurjan Darqulov pen prodıýsser Erbol Baıqońyrov ýnıversıtet jastarymen júzdesip, ózara ashyq áńgime órbitti.
«Qazaq ulylary «Men jastarǵa senemin» dep ótken ǵasyrda bolashaqqa senim artyp, bizge úlken amanat qaldyrǵany belgili. Osy oraıda Nur-Múbarak ýnıversıteti stýdentteriniń belsendiligi men kreatıvti oılaryn baıqap, qýanyp otyrmyz. Bul dinimiz, qoǵam, memleket úshin jaqsy jobalar jasaýǵa bastama degen úmittemiz. Eldegi dinı kadrlar daıarlaıtyn jalǵyz ıslam ýnıversıtetiniń áleýeti men yqpaly kúnnen kúnge artyp keledi. Progressıvti damýyna qarap, qýanyp jatyrmyz, – dep Nurjan Darqulov jastarǵa aǵynan jaryldy.
Jol kórseter aǵalyq qamqorlyqty ańǵarǵan jastar da kókeıinde júrgen jobalaryn ortaǵa salyp, oıyn ashyq jetkizdi. «Bizde qansha joba-jospar bolsa da, ómir tájirıbesi az. Sondyqtan sizderdiń aqyl-keńesterińiz, jol kórsetýlerińiz bizge aýadaı qajet dep» ýnıversıtettiń Jastar isi komıtetiniń tóraǵasy Mádı Bekentaı inilik izet tanytty.
Belsendi jastar tipti jańa jobalardyń stsenarılerine kirisip ketkenin de jetkizdi. Nurjan Darqulov jastardyń belsendiligine rızashylyq bildirdi. Prodıýsser Erbol Baıqońyrov jastardyń jýrnalıstıkaǵa degen talpynysyn ańǵaryp, óz keńesin aıtty.
