HALYQARALYQ AKKREDITTEÝShI JAKIM UIYMYNYŃ SERTIFIKATY JAŃARTYLDY
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tapsyrmasymen Malaızııaǵa arnaıy saparmen barǵan naıb múftı Ershat Aǵybaıuly men «Halal Damý» dırektory Aıbek Asqarbekuly «Malaızııa ıslamdyq damý departamentiniń (JAKIM) halyqaralyq halaldy tekserý komıteti» basshysy Datýk Hadja Hakıma Bıntı Mohd Iýsof hanymmen kezdesti.
Kezdesý barysynda Datýk Hadja Hakıma Bıntı Mohd Iýsof hanym dinı basqarmaǵa qarasty Halal Damý standarttaý jáne sertıfıkattaý ortalyǵyn JAKIM tarapynan Qazaqstandaǵy halal sertıfıkattaýshy uıym retinde tanıtyndyqtaryn jetkizip, rastaýshy qujat tabystady.
Halyqaralyq qujatta «Halal Damý» standarttaý jáne sertıfıkattaý ortalyǵy bekitken alty standarttyń barlyǵy halyqaralyq talapqa sáıkes ekendigi jáne 2025 jyldyń naýryz aıyna deıin jaramdylyǵy kórsetilgen. Atalǵan qujatty álemniń 43 memleketi de ózara tanıdy. Endi «QMDB HALAL» sertıfıkatymen óndirilgen óndimder shetelderge esh kedergisiz, erkin Eksporttaý quqyǵyna ıe bolady.
«Búginde dinı basqarmanyń halal sertıfıkatyna tutynýshylar tarapynan suranys joǵary, ásirese musylman jamaǵatynyń arasynda óte bedeldi. Degenmen, halal sertıfıkat berý – tabys kózi emes, ol – sharıǵattyń talaby. Múftııat musylman qaýymynyń durys qulshylyq jasaýyna qyzmet etýmen qatar, sharıǵatqa saı adal as tutynýyna kómektesedi. Otandyq halal ındýstrııasyna abyroımen eńbek etýimiz kerek, bul qujat bizge úlken amanat júkteıdi jáne budan ári de halyqaralyq baılanysty nyǵaıta beremiz » dep atap ótti Ershat Aǵybaıuly.
Aıta keteıik, elimizden «QMDB HALAL» sertıfıkatymen óndirilgen et jáne et ónimderi men qus ónimderi Qyrǵyzstan, Ózbekstan, Reseı, BAÁ, Qytaı memleketterine Eksporttalýda. Qazirgi tańda 1400 den astam kásiporyn halal tańbasymen ónim óndirýde.
