HALYQARALYQ QURAN JARYSYNYŃ BIRINShI KÚNI MÁRESINE JETTI
Astana qalasyndaǵy Respýblıkalyq Bas meshitte ótip jatqan II Halyqaralyq Quran jarysynyń alǵashqy kúni óz máresine jetti.
Respýblıka kúni men Qazaqstan musylmandary dinı basqarmasynyń 35 jyldyq mereıtoıyna arnalǵan bul rýhanı dodaǵa 21 elden 22 qarı qatysýda.
Birinshi kúngi saıysta 16 qarı baq synap, halyqaralyq ádilqazylar alqasynyń baǵalaýynan ótti. Quran oqyǵan qarılar qatarynda Iordanııa, Ózbekstan, Malaızııa, Bahreın, Sheshenstan, Qazaqstan, Iran, Tatarstan, Túrkııa, Palestına, Pákistan, Marokko, BAÁ, Saýd Arabııasy jáne Tájikstannan kelgen qatysýshylar bar.
Jarystyń resmı ashylýynda QMDB Tóraǵasy, Bas múftı Naýryzbaı qajy Taǵanuly baıandama jasap, Qurannyń qoǵamdaǵy rýhanı róline jáne Memleket basshysy Qasym-Jomart Toqaevtyń Quranǵa qurmet kórsetýge qatysty halyqaralyq úndeýine toqtaldy.
Sondaı-aq, Qazaqstan Respýblıkasy Parlamenti Senatynyń Tóraǵasy Máýlen Áshimbaev halyqaralyq jarysqa qatysýshylarǵa arnaıy quttyqtaý hatyn joldady. Quttyqtaý sózdi Senat depýtaty Darhan Qydyráli oqyp berdi.
Qasıetti Qurandy dáripteý maqsatynda uıymdastyrylǵan baıqaý QMDB-nyń «Munara TV» telearnasynan jáne «Múftııat QMDB» YouTube arnasynan tikeleı Efırde kórsetildi. 9 saǵat 11 mınýtqa sozylǵan YouTube-taǵy Efırdi 46112 kórermen tamashalady.
Tikeleı Efır kórermenderi boıynsha alǵashqy bestikte Qazaqstan, Ózbekstan, Reseı, Túrkııa jáne Qyrǵyzstan elderi kósh bastady.
