«Kóktal» meshiti: Zaǵıp jandarǵa arnalǵan rýhanı kezdesý ótti

Astana qalasyndaǵy kózi kórmeıtin jáne nashar kóretin azamattarǵa arnalǵan arnaıy kitaphanada «Qarttarǵa qurmet – zaǵıptarǵa izet» atty rýhanı-tanymdyq kezdesý uıymdastyryldy.

Is-sharaǵa «Kóktal» meshitiniń bas ımamy Sábıt Ázimbekuly qatysyp, jınalǵan qaýymǵa adamgershilik qundylyqtar, úlkendi syılaý, qamqorlyq kórsetý jáne janashyrlyq tanytýdyń mańyzy týraly nasıhat aıtty.

Kezdesý barysynda Islam dininiń qarttarǵa qurmet kórsetýdi jáne múmkindigi shekteýli jandarǵa qamqor bolýdy erekshe dáripteıtini keńinen túsindirildi. Sondaı-aq Paıǵambarymyzdyń (s.ǵ.s.) úlkenderdi ardaqtaý, álsizderge qoldaý bildirý jónindegi ósıetteri aıtylyp, qoǵamdaǵy ózara syılastyq pen baýyrmaldyq qundylyqtary nasıhattaldy.

Jıyn sońynda qatysýshylar kókeılerindegi saýaldaryn qoıyp, tushymdy jaýap aldy. Jınalǵan qaýym rýhanı áserge bólenip, meshit ujymyna alǵystaryn jetkizdi.