«Kóktal» meshitinde «din men dástúr» aıasynda sadaq atýdan sporttyq is-shara ótti

«Kóktal» meshiti janyndaǵy «Din men dástúr» baǵytynyń uıymdastyrýymen ulttyq qundylyqtar men Paıǵambarymyzdyń ﷺ súnnetin ushtastyrǵan taǵylymdy sadaq atý saıysy ótti.

Oǵan jastar belsene qatysyp, mergendik synǵa túsip qana qoımaı, rýhanı tárbıe men baýyrmaldyqtyń mańyzyn tereńirek túsinýge múmkindik aldy. Saıys barysynda qatysýshylar ózara yntymaq pen dostyq qarym-qatynasty nyǵaıtyp, ulttyq muramyzdyń bir qyrymen jaqynyraq tanysty.

Is-sharaǵa «Kóktal» meshitiniń «Din men dástúr» baǵytyna jaýapty mamany Berdimuratov Hýrsan ustaz jetekshilik etti. Ustaz jastarǵa sadaq atýdyń ıslam mádenıetindegi orny men mańyzy týraly nasıhat aıtyp, onyń adam boıyndaǵy tózimdilik, sabyrlylyq, jınaqylyq sekildi qasıetterdi qalyptastyrýdaǵy róline toqtaldy. Sondaı-aq jastardy ýaqytty tıimdi paıdalanýǵa, salaýatty ómir saltyn ustanýǵa jáne ulttyq qundylyqtardy dáripteýge shaqyrdy.

Источник: Aisha