«KÓKTAL» MEShITINDE MUQTAJ OTBASYLARǴA KÓMIR ÚLESTIRILDI (FOTO)

QMDB Astana qalasy ókildigine qarasty «Kóktal» meshitinde muqtaj otbasylarǵa arnalǵan qaıyrymdylyq sharasy uıymdastyryldy.

Igi is aıasynda áleýmettik jaǵdaıy tómen 10 otbasyǵa 3 tonnadan kómir otyny túsirilip berildi.

Qys mezgilinde otyn máselesi kóptegen januıalar úshin ózekti ekeni belgili. Osyny eskergen meshit ujymy qaıyrymdylyq sharasyn uıymdastyryp, qamqorlyqqa zárý otbasylarǵa qoldaý kórsetýdi maqsat etti.

Aktsııa «Kóktal» meshitiniń Jastar sektorynyń uıymdastyrýymen jáne jomart demeýshilerdiń qoldaýymen júzege asty. Is-sharaǵa atsalysqan erikti jastar kómirdi úılerge jetkizip, túsirý jumystaryna belsene qatysty.

Qaıyrymdylyq kómegin alǵan otbasylar uıymdastyrýshylar men demeýshilerge alǵystaryn bildirip, ıgi isterdiń jalǵasyn tabýyna tilektestik tanytty.