KÓKTAL MEShITINDE «OTBASY QUNDYLYǴY» TAQYRYBYNDA SEMINAR ÓTTI (FOTO)
QMDB Astana qalasy ókildigine qarasty «Kóktal» meshitinde «IQLAS» qyz-kelinshekter klýbynyń uıymdastyrýymen «Otbasy qundylyǵy» taqyrybynda taǵylymdy semınar ótti.
Jıynǵa Qazaqstan musylmandary dinı basqarmasy Áıel-qyzdar sektorynyń meńgerýshisi Dınara Qutqojaqyzy qatysyp, otbasynyń mańyzy men erli-zaıyptylardyń ózara syılastyǵy jóninde nasıhat aıtty. Ol otbasy ınstıtýtynyń qoǵamdaǵy róline toqtalyp, jas otbasylarǵa tárbıelik máni zor keńesterin jetkizdi.
Semınar barysynda qatysýshylarǵa rýhanı qundylyqtardy saqtap, ulttyq dástúr men ıslam dinindegi otbasyǵa qatysty qaǵıdalardy kúndelikti ómirde qoldanýdyń joldary túsindirildi. Sondaı-aq áıel-ananyń jaýapkershiligi men bolashaq urpaq tárbıesindegi orny da keńinen sóz boldy.
Is-shara sońynda qatysýshylar kókeıindegi suraqtaryna jaýap alyp, ózara pikir almasty.
