«KÓKTAL» MEShITINDE «QOǴAM BELSENDISI» TAQYRYBYNDA SEMINAR ÓTTI
Astana qalasy ókildigine qarasty «Kóktal» meshitinde «Qoǵam belsendisi» taqyrybynda semınar ótti.
Meshit ustazy Mýhlısa Saıdýlaqyzynyń uıymdastyrýymen ótken kezdesýdiń negizgi maqsaty qoǵam ómirine belsendi aralasýdyń mańyzdylyǵyn túsindirý, áıelderdiń qoǵamdyq ortadaǵy rólin aıqyndaý, kásipkerlik pen medıa salasyndaǵy tájirıbelermen bólisý jáne jastardy paıdaly bastamalarǵa yntalandyrý.
Semınarǵa arnaıy shaqyrylǵan eki spıker óz tájirıbelerimen bólisti. Alǵashqy spıker – «Qamar Sulu» musylman áıelder kıim dúkeniniń negizin qalaýshy Aısulý Jarylqasyn. Ol kásipkerlik jolyndaǵy tájirıbesimen bólisip, jeke isti bastaý, ony damytý jáne qoǵamǵa paıdaly kásip qalyptastyrý jóninde oı qozǵady.
Ekinshi spıker – bloger ári kontent-kreator Janerke Janbolat. Ol áleýmettik jelidegi kontent jasaýdyń qyr-syryna toqtalyp, Astana qalasyndaǵy mańyzdy oryndar men ózekti jańalyqtardy kópshilikke tanystyrý baǵytyndaǵy jumysy týraly áńgimeledi. Sonymen qatar aqparattyq keńistikte sapaly kontent usynýdyń jáne áleýmettik jelini tıimdi paıdalanýdyń mańyzdylyǵyn atap ótti.
Kezdesý barysynda qatysýshylar spıkerlerge ózderin qyzyqtyrǵan suraqtaryn qoıyp, paıdaly aqparat pen tájirıbe almasty.







Источник: Aisha