«Kóktal» meshitinde soǵys ardagerleriniń rýhyna Quran baǵyshtaldy

Elordadaǵy «Kóktal» meshitinde Jastar isi sektorynyń uıymdastyrýymen soǵys ardagerleriniń rýhyna meshit jamaǵatymen birge Quran baǵyshtaldy.

Is-shara barysynda Berdimuratov Hýrsan ustaz ardagerlerdiń el úshin jasaǵan janqııar erligi jaıynda nasıhat aıtyp, Otan qorǵaýdyń mańyzyna toqtaldy. Sondaı-aq beıbit ómirdiń qadirin bilý, úlkenge qurmet kórsetý jáne ótken tarıhty umytpaý jaıynda taǵylymdy áńgime órbidi.

Kezdesýde soǵys ardagerleriniń erligi men ónegeli ómir joly keıingi urpaqqa úlgi ekeni aıtylyp, olardyń rýhyna duǵa jasaldy. Jamaǵat beıbitshilik pen el tynyshtyǵynyń qadirin sóz etip, batyr babalardyń erligi árdaıym el jadynda saqtalatynyn jetkizdi.

Jıyn sońynda ardagerler rýhyna arnaıy Quran baǵyshtalyp, el amandyǵy men jurt tynyshtyǵyna duǵa jasaldy.