«Kóktal» meshitiniń uıymdastyrýymen rýhanı kezdesý ótti

Astana qalasyndaǵy «Ana men bala ortalyǵynyń» onkologııalyq balalar bóliminde erekshe máni bar rýhanı kezdesý uıymdastyryldy.

Is-shara aıasynda meshittiń jastar isi sektoryna jaýapty Berdimýratov Hýrsan ustaz «Sabyrlyq – musylmannyń tiregi» taqyrybynda nasıhat júrgizip, ata-analarǵa rýhanı demeý boldy. Qıyndyqtyń artynda jeńildik bar ekenin, árbir synaqtyń Allanyń danalyǵy ekenin túsindirip, júrekterge úmit pen senim uıalatty.

Kezdesý barysynda ata-analardyń kóńil-kúıin kóterip, júrekterine úmit syılaý maqsatynda áserli áńgimeler aıtylyp, sabyr men shúkirshilik taqyryby keńinen qozǵaldy. Ásirese, ómirdiń synaqtaryna tótep berýde sabyrlyqtyń mańyzy erekshe ekeni atap ótildi.

Kezdesý barysynda ata-analar óz oılarymen bólisip, suraqtaryn qoıyp, rýhanı turǵyda serpilis aldy.

Alla Taǵala barsha naýqas balalarǵa shıpa berip, ata-analaryna sabyr men kúsh-qýat násip etsin!