«KÓKTAL» MEShITINIŃ JASTARY OTANDYQ KINOTÝYNDYNY TAMAShALAÝǴA BARDY
«Kóktal» meshitiniń Jastar isi sektoryna jaýapty ustaz Hursan Berdimuratovtyń uıymdastyrýymen meshit jastary otandyq «Baýyrlar» kınotýyndysyn tamashalady.
Jastar fılmnen erekshe áser alyp, baýyrmaldyq, dostyq pen adamgershilik týraly taǵylymdy oı túıdi.
Alla Taǵala Quranda: «Rasynda, múminder – bir-biriniń baýyry» (Hujurat súresi, 10-aıat) – dep baıandaıdy. Al Paıǵambarymyz ﷺ: «Musylman – musylmannyń baýyry» (Buharı, Múslim) – degen.
«Baýyrlar» – rejısser Darhan Tólegenovtiń debıýttik fılmi. Oqıǵa jasy tolyp, jetimder úıinen endi shyqqan Aqjol esimdi jigittiń tóńireginde órbıdi. Ol ómir súrý úshin usaq urlyqqa baryp, ákesin izdeıdi. Izdeý barysynda onyń baılardyń asyrandy balasy bolyp ósken Dalen esimdi inisi bar ekenin biledi. Fılm baýyrlar arasyndaǵy qarym-qatynas týraly.
