Mańǵystaý: «El úlesi páterge» jobasy aıasynda kezekti páter kilti tabystaldy

QMDB-nyń «El úlesi páterge» jobasy aıasynda Mańǵystaý oblysy, Munaıly aýdany, Batyr aýylynda turatyn Shamuratova Nursulý esimdi jesir áıelge tórt bólmeli úıdiń kilti tabystaldy.

Igilikti sharaǵa Munaıly aýdandyq Mıǵraj meshitiniń bas ımamy Rýslan Baımýkanov jáne «Úmmet jastary» qoǵamdyq-qaıyrymdylyq qory jáne kásipkerler uıytqy boldy.

Páter kiltin tabystaýǵa Mańǵystaý oblysynyń ókil ımamy Smaıyl Seıtbekov arnaıy kelip, jańa qonysymen quttyqtaı otyryp, barsha qol ushyn sozǵan azamattarǵa alǵysyn bildirdi.

Baspanaly bolǵan muqtaj otbasynyń jańa qonysynda uıymdastyrýshylar men tilekshi qaýym dastarhannan dám tatyp, jyly lebizderin bildirdi.