MÁÝLIT AIYNDA BALALAR ÚIINE QAIYRYMDYLYQ KÓMEK KÓRSETILDI

Máýlit aıynyń berekeli kúninde Astana qalasynyń bas ımamy Nurbek qajy Áýeshanulynyń qoldaýymen qaıyrymdylyq is-sharasy uıymdastyryldy.

QMDB «Zeket jáne qaıyrymdylyq» qorynyń Astana qalasy boıynsha jaýapty mamany Nurbol Orazbaıdyń uıymdastyrýymen júzege asqan ıgi bastama aıasynda Paıǵambarymyzdyń (Oǵan Allanyń salaýaty men sálemi bolsyn) atynan iri qara mal qurbandyqqa shalyndy. Qurbandyq eti tolyqtaı balalar úıine tabystalyp, tárbıelenýshilerge úlestirildi.

Is-sharanyń negizgi maqsaty – Máýlit aıynyń rýhanı mánin izgi amaldarmen sabaqtastyryp, qaıyrymdylyq pen janashyrlyqty dáripteý. Ásirese ata-ananyń meıirimi men qamqorlyǵyna muqtaj balalarǵa qoldaý kórsetý arqyly qoǵamdaǵy ózara kómek pen baýyrmaldyq qundylyqtaryn arttyrý kózdeldi.

Qaıyrymdylyqqa úles qosqan demeýshige meshit ujymy alǵysyn bildirip, jasaǵan izgi amalynyń qabyl bolýyn tiledi. Alla Taǵala qaıyrly isin eselep, otbasyna amandyq, nesibesine bereke násip etsin.

Источник: Aisha