MÁÝLIT KEShI: «IMAN» JÝRNALY JARIIaLAǴAN MÚShAIRA JEŃIMPAZDARY MARAPATTALDY (FOTO)
Elordada Qazaqstan musylmandary dinı basqarmasynyń uıymdastyrýymen ótken rýhanı Máýlit keshinde Bas múftı Naýryzbaı qajy Taǵanuly «Abaı. Alash. Asyl din» shyǵarmashylyq baıqaýynyń jeńimpazdaryn marapattady.
Jyl basynda múftııattyń tól basylymdary «Iman» jýrnaly men «Munara» gazeti qazaq jazba ádebıetiniń negizin qalaýshy, uly aqyn, ǵulama-oıshyl Abaı Qunanbaıulynyń 180, Alash qozǵalysynyń 120 jyldyǵy jáne Qazaqstan musylmandary dinı basqarmasynyń 35 jyldyq mereıtoıyna oraı oqyrmandar arasynda «Abaı. Alash. Asyl din» taqyrybynda shyǵarmashylyq baıqaý jarııalaǵan bolatyn. Tamyz aıyna deıin redaktsııa poshtasyna 90-nan astam úmitkerdiń shyǵarmalary tústi. Belgili abaıtanýshy, alashtanýshy ǵalymdardan quralǵan qazylar alqasynyń sheshimimen I oryndy Ótesh Qyrǵyzbaev (Almaty qalasy) jeńip alyp, umra qajylyǵyna joldama berildi. Júldeli II oryndy (300 myń teńge) Asan Omarov (Semeı qalasy) ıelense, III oryn (200 myń teńge) Danııar Ihsanǵa (Astana qalasy) buıyrdy.
Sondaı-aq yntalandyrý syılyǵyna (árqaısyna 100 myń teńgeden) Alpamys Faızolla (Astana qalasy), Ertaı Bilál (Almaty qalasy), Batyrlan Saǵyntaı (Arqalyq qalasy), Qyzyrǵazy Málikuly (Almaty oblysy) jáne Eskendir Tasbolat (Astana qalasy) ıe boldy. Budan bólek, belgili jazýshy Sáýle Dosjanova taǵaıyndaǵan arnaýly syılyqpen (árqaısyna 100 myń teńgeden) almatylyq Qaragóz Simádil men Aıgúl Ótemis marapattaldy.
