MÁÝLIT KEShI: «MUFTIYAT» BASPASYNAN JARYQ KÓRGEN JAŃA KITAPTAR KÓPShILIKKE USYNYLDY (FOTO)
Astana qalasynda ótken «Izgilik jarshysy – áz Muhammed (ﷺ)» atty rýhanı máýlit keshinde «Hazireti Ábý Bákir Syddyq», «Quran injýleri», «Islam Entsıklopedııasy» (I–II tom), «Taýhıd», «Pátýalar jınaǵy» (I–V tom), «Paıǵambar otbasyndaǵy minsiz mámile» kitaptarynyń tusaýkeser rásimi ótti.
Jıyn barysynda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly qundy eńbekterdiń jaryq kórýiniń mańyzyna toqtalyp, halyqtyń rýhanı suranysyna saı sapaly ádebıetter usyný – QMDB jumysynyń negizgi baǵyttarynyń biri ekenin atap ótti.
Aıta keteıik, Bas múftı bastamasymen 2020 jyly «Múftııat» baspasy ashylyp, osy ýaqytqa deıin musylman jurtshylyǵynyń dinı tanymyn arttyrýǵa arnalǵan 84 eńbek jaryq kórdi.
Saltanatty tusaýkeser rásimine Bas múftı Naýryzbaı qajy Taǵanulymen birge QMDB Aqsaqaldar keńesiniń múshesi, Halyq qaharmany, general-leıtenant Baqytjan Ertaev, QR MAM Din isteri komıteti tóraǵasynyń orynbasary Maqsat Ramanqulov jáne naıb múftı Sansyzbaı Qurbanuly arnaıy qatysyp, jańa kitaptardyń tusaýyn kesti.
