MEDRESE-KOLLEDJ STÝDENTTERI ARASYNDA RESPÝBLIKALYQ OLIMPIADA BASTALDY

Búgin Astanadaǵy Respýblıkalyq Bas meshitte Qazaqstan musylmandary dinı basqarmasynyń uıymdastyrýymen elimizdegi medrese-kolledj stýdentteri arasynda respýblıkalyq olımpıada bastaldy.

Olımpıadanyń ashylý saltanatynda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly sóz sóılep, qatysýshy stýdentterge sáttilik tiledi.

«Shyn máninde, HHI ǵasyr – bilimniń, ǵylymnyń, parasattylyqtyń, ozyq tehnologııanyń dáýiri. Sondyqtan biz de osynaý órkenıet pen damý úderisinen áste qalys qalmaýymyz kerek. Búgingi zamannyń ozyq úlgileri men ıgilikterin úırenýimiz tıis.
«...Istiń bolar qaıyry,
Bastasańyz Allalap,
Oqyǵamaǵan júredi
Qarańǵyny qarmalap», – dep, qazaqtyń aǵartýshy ustazy Ybyraı Altynsarın babamyz jyrlaǵandaı, enjarlyq pen jalqaýlyqtan arylyp, talmaı izdenýimiz qajet.

Qaı zamanda bolmasyn qoǵamnyń ilgeri damýyna parasat pen izgilik jolyn tańdaǵan ǵulama oıshyldar men ǵalymdar aıryqsha ról atqarǵan. Sizder bolashaq ǵalymsyzdar. Al búgingi is-shara bilimderińizdi qaıta shyńdaýǵa úlken múmkindik týǵyzady dep sanaımyn» dedi Bas múftı Naýryzbaı qajy Taǵanuly.

Aıta keteıik, atalǵan olımpıadaǵa elimizdiń 9 medresesinen jınalǵan 28 shákir qatysyp baqtaryn synaýda.
















 

​