Medrese ustazdary Bas múftıdiń alǵys hatymen marapattaldy (FOTO)

Dinı basqarmanyń Ortalyq apparatynda elimizdegi medrese-kolledj dırektorlary jáne orynbasarlarynyń qatysýymen ótken jıynda birqatar ustazdar Bas múftı Naýryzbaı qajy Taǵanulynyń alǵys hatymen marapattaldy. 

Elimizdiń 9 medresesinde jemisti eńbek etip jatqan oqytýshylarǵa Bas múftıdiń alǵys hatyn QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov tabystady. Olardyń qatarynda 20 jyldan beri shákirt tárbıeleýmen aınalysyp kele jatqan «Saryǵash» medrese-kolledjiniń arnaıy pán oqytýshysy Erkin Musyrmanuly men oqý isiniń meńgerýshisi Shynaraı Súıindikqyzy syndy tájirıbeli ustazdar, sondaı-aq, Tamırlan Ibraev, Izatýlla Naýrzalıev, Narkez Bohanov sekildi jas mamandar da bar.    

Aıta keteıik, QMDB Ortalyq apparatynda is-qaǵazdardy biryńǵaı júrgizý jáne modýldik oqytý tehnologııasyna kóshýde oqý-ádistemelik quraldardy birizdilikke túsirý jónindegi medrese dırektorlary jáne orynbasarlarynyń jıyny ótken bolatyn.