Memleket basshysy Ábý-Dabıdegi sheıh Zaıd meshitinde boldy (FOTO)

Qazaqstan Prezıdenti Abý Dabı qalasynyń eń kórikti jerleriniń biri – sheıh Zaıd meshitine baryp, Birikken Arab Ámirlikteriniń negizin qalaýshy jáne alǵashqy Prezıdenti sheıh Zaıd ben Sultan Ál Nahaıannyń rýhyna taǵzym etti.

Qasym-Jomart Toqaev sheıh Zaıd meshitindegi Qurmetti qonaqtar kitabyna «Óz halqynyń uly perzenti, Ámirlikterdiń negizin qalaýshy sheıh Zaıd ben Sultan Ál Nahaıannyń rýhyna taǵzym etemin. Baýyrlas Ámirlikter halqynyń yrysy mol, berekesi baıandy, mereıi laıym ústem bolýyna shyn júrekten tilektespin!», – degen qoltańba qaldyrdy.