Memleket basshysy Q. Toqaevtyń Qazaqstan musylmandaryn Oraza aıt merekesimen quttyqtaýy
Qurmetti otandastar!
Barsha musylman qaýymyn Oraza aıt merekesimen shyn júrekten quttyqtaımyn.
Adamgershilikke, meıirim men qaıyrymdylyqqa úndeıtin qasıetti Ramazan aıynyń aıaqtalýy – kúlli musylman úmbeti úshin mańyzdy mereke.
Oraza aıt kúnderi ár musylman týǵan-týystary men baýyrlaryna qamqorlyq kórsetip, muqtaj jandarǵa qol ushyn sozyp, óziniń rýhanı damýyna zor mán beredi.
Izgi oılar men ıgi ister ózara túsinistik pen kelisimge bastaıdy, adamdardy ortaq maqsat-múddege jeteleıdi.
Qazaqstan – beıbit ómir men jasampazdyqtyń mekeni. Ózge dinı senimderge qurmet, toleranttylyq pen adamgershilik qundylyqtar – halqymyzǵa tán ıgi qasıetter.
Islam ilimi Otanǵa degen súıispenshilik pen ulttyq dástúrge berik qoǵamymyzdyń rýhanı jańǵyrý ıdeıasyna tolyq saı keledi.
Elimiz aman, jurtymyz tynysh bolsyn!
Ár shańyraqqa baq-bereke tileımin!
Oraza aıt qutty bolsyn!
