MEShIT ShÁKIRTTERI REKORDSMEN TIMÝR SPATAEVPEN KEZDESTI (FOTO)

Búgin Elorda tórindegi «Áziret Sultan» meshitinde «Imanı jaz-2023» jazǵy saýat ashý kýrsynyń shákirtteri qazaq eline tanymal sportshy, rekordsmen, armrestlıngten halyqaralyq deńgeıdegi sport sheberi, Azııa chempıony, Baýyrjan Momyshuly atyndaǵy «Namys» tósbelgisiniń ıegeri Tımýr Spataevpen kezdesti. Jurt arasynda «temir adam» degen laqap atpen tanylǵan sportshy balalarǵa ónerin kórsetip, búldirshinderdi de ortaǵa shyǵardy. Olarǵa jattyǵý jasatyp, sportpen shuǵyldanýǵa shaqyrdy. Sondaı-aq, sport sheberi olardyń jattaǵan súrelerin tyńdap, qyz balalardy qurmetteýge, Otandy súıýge nasıhattady. Quran aıattarymen bastalǵan jıynda Tımýr Spataev rýhty óleńder oqyp, patrıottyq sezimdi oıatty.

Balalar shaqyrylǵan qonaqtyń qara kúshpen kórsetken ónerine súısinip qyzyǵýshylyq bildirdi. Jıyn sońynda arnaıy shaqyrylǵan qonaqqa  meshit naıb ımamy Tamırlan Darhanuly «Áziret Sultan» meshitiniń atynan Quran muqabasy syıǵa tartty.

Sýretter toptamasyn «FOTOGALEREIa» aıdarynan kóre alasyzdar!

Источник: Aidos