MEShIT JASTARYNA QMDB-ǴA QARASTY DINI OQÝ ORYNDARY TANYSTYRYLDY (FOTO)
Elordadaǵy «Áziret Sultan» meshitinde jastarǵa Dinı oqý-aǵartý baǵyty boıynsha tanymdyq kezdesý ótti. Is-shara barysynda meshit shákirtterine Qazaqstan musylmandary dinı basqarmasyna qarasty medreseler men ıslam ınstıtýttary keńinen tanystyryldy.
Kezdesýde dinı oqý oryndarynyń bilim berý júıesi, oqý baǵdarlamalary, qabyldaý sharttary men talaptary jaıly jan-jaqty maǵlumat berildi. Sondaı-aq shákirtterge dinı salada bilim alýdyń artyqshylyqtary, zamanaýı múmkindikteri jáne bolashaqta qol jetkizetin kásibı baǵyttary týraly aqparat usynyldy.
«Áziret Sultan» meshitiniń naıb ımamy Mahmud Qasym arnaıy dáris ótkizip, QMDB-ǵa qarasty medreseler men ınstıtýttarda din ilimimen qatar zaıyrly pánderdiń de oqytylatynyn atap ótti. Ol shákirtterge sapaly dinı bilim alýdyń mańyzy jaıly keńinen túsindirip, jastardy ǵylymǵa, izdeniske jáne asyl dinimizdi durys úırenýge shaqyrdy. Jıynǵa qatysqan jastar kókeılerinde júrgen suraqtaryn qoıyp, mamandardan tolyqqandy jaýap aldy.
