«MEIIRIMDILIK MEKENI» AKTsIIaSY: 150 otbasyǵa azyq-túlik taratyldy (FOTO+VIDEO)

Búgin Nur-Sultan qalasyndaǵy respýblıkalyq «Áziret Sultan» meshitinde «Meıirimdilik mekeni» atty dástúrli qaıyrymdylyq sharasy ótti. Birneshe jyldan beri jelisi úzilmeı jalǵasyp kele jatqan bul shara aıasynda muqtaj otbasylarǵa bir aılyq azyq-túlik qoryn taratyldy. Elordamyzdaǵy kóp balaly jáne asyraýshysynan aıyrylǵan, turmysy tómen muqtaj jandardy qamtyǵan qaıyrymdylyq sharasynyń sharapaty bul joly 150 januıaǵa jetti.

Shara barysynda «Áziret Sultan» meshitiniń birinshi naıb ımamy Marat Bektazınov bastaǵan meshit qyzmetkerleri jamaǵatpen júzdesip, rýhanı qoldaý tanytty. Qulshylyq ordasy atynan azyq-túlik qoryn tabystap, salmaǵy zilkóterem sómkelerdi jetkizip berýge atsalysty.

Aıta keteıik, qasıetti Ramazan bastalǵanda «Áziret Sultan» meshitiniń uıymdastyrýymen «Qaıyrymdylyq kerýeni» jolǵa shyǵyp, Elordamyzdaǵy muqtaj otbasylarǵa azyq-túlik qoryn úılerine jetkizip berý jolǵa qoıylǵan bolatyn. Igi sharaǵa atsalysqan meshit jamaǵaty búgingi aktsııaǵa da óz úlesterin qosyp, muqtaj jandardy tasymaldaýǵa kiristi.

Sýretterdi «FOTOGALEREIa» aıdarynan kóre alasyzdar!