MÚFTIIaT TÚRKISTANDA AÝYZAShAR BERDI (FOTO)

Qazaqstan musylmandary dinı basqarmasy Túrkistan qalasynda zııaly qaýym ókilderine, qarttar men aq jaýlyqty analarǵa arnaıy aýyzashar berdi. Aýyzashar dastarqanyna QMDB Tóraǵasy, Bas múftı Naýryzbaı qajy Taǵanuly arnaıy qatysyp, jamaǵatqa ýaǵyz aıtty.

«Paıǵambarymyz (oǵan Allanyń salaýaty men sálemi bolsyn) hadısinde bylaı deıdi: «Ramazan aıynyń sońǵy on kúnine kirgende, Alla Taǵala kóp musylmannyń moıyndaryn tozaq otynan saqtaıdy (bosatady)». Sonda sahabalar: «Ia, Rasýlýlla! Nege, dál eń sońǵy kúni tozaqtan bosatady?» dep surady. Osy sátte Paıǵambarymyz (oǵan Allanyń salaýaty men sálemi bolsyn): «Sender jumysshylardy kórmedińder me? Olar bir aı boıy jumys isteıdi, al aıdyń aıaǵynda olar eńbekterin almaı ma?» dep jaýap berdi. Mine, bir aı boıy oraza ustaǵandarǵa osyndaı syı beriledi. Alla Taǵala barshamyzdyń kúná-kemshilikterimizdi keshirip, óziniń meıirimine bólegeı. Ámın!» dedi Bas múftı Naýryzbaı qajy Taǵanuly.

Igi is-sharada ǵıbratty termeler oryndalyp, kelgen qonaqtarǵa aýyzashar qorjyny úlestirildi. 

​