MÚFTIIaT UJYMY INTELLEKTÝALDY BILIM SAIYSYNA QATYSTY
Búgin 25 qazan – ulttyq mereke Respýblıka kúnine arnalǵan Qazaqstan musylmandary dinı basqarmasynyń ujymdyq ıntellektýaldy bilim saıysy ótti.
Qyzyqty ári tartysty ótken bilim saıysyna QMDB Tóraǵasy, Bas múftı Naýryzbaı qajy Taǵanuly arnaıy qatysyp, múftııat ujymyn elimizdiń ulttyq merekesi – Respýblıka kúnimen quttyqtady.
«Bul bilim saıysyn uıymdastyrýdaǵy maqsatymyz – ulttyq merekemizdi ujym arasynda dáripteý, múftııat qyzmetkerlerine merekelik kóńil-kúı syılaý. Mundaı ıntellektýaldy saıystarda jeńý mańyzdy emes, qatysyp, bilimin synaý, logıkalyq oılaýyn baıqap kórý mańyzdy. Ujym ishinde uıymdastyrylǵandyqtan búgin dostyq jeńdi dep esepteımiz» dedi Bas múftı.
Aıta keteıik, ujymdyq saıysty elimizge tanymal ıntellektýaldy jobalardyń jáne oıyn suraqtaryń avtory Mereı Ermuhanov júrgizdi. Tórt múftııat qyzmetkerinen quralǵan 11 komanda arasynan «IQUP» komandasy I oryndy jeńip alsa, Dinı basqarma arýlary toptasqan «IQ-RO» komandasy II oryndy, al «Izgi adamdar» komandasy júldeli III oryndy ıelendi. Jeńis tuǵyrynan kóringen komandalarǵa qarjylaı syılyq, al barlyq qatysýshy komandaǵa merekelik syı-sııapat tabys etildi.
