MÚFTIIaTTA ASABALARMEN TOI MÁDENIETI TALQYLANDY

18 qarasha 2026 273 0
Оqý rejımi

Búgin Qazaqstan musylmandary dinı basqarmasynda «Islam jáne adal qoǵam» jyly aıasynda Astana qalasynyń asabalarymen «Toı – babalar dástúri men taǵylymy» atty rýhanı kezdesý ótti. 

Sharaǵa QMDB tóraǵasy, Bas múftı Naýryzbaı qajy Taǵanuly, Memleket jáne qoǵam qaıratkeri, Qazaqstan Halyq Keńesiniń múshesi Nurtóre Júsip, belgili jýrnalıst, dıktor Zeıin Álipbek, toı júrgizýshileri men QMDB qyzmetkerleri qatysty.

Jıynda sońǵy jyldary qoǵamda kórinis tapqan toıdaǵy artyq shyǵyn, ózara báseke, orynsyz ysyrap, asta tók tamaq, beıádep oıyndar sekildi aýqymdy máseler talqylandy.

Bas múftı kezdesýde elimiz ejelden qýanyshyn aǵaıyn-týysqa bólisip, toı jasaıtyn halyq ekenin alaıda qazirgi kezde toı toılaý mádenıeti jarysqa, maqtanǵa aınalyp bara jatqanyn jetkizdi.

«Islam dinin ǵasyrlar boıy ustanǵan ata-babalarymyz toı jasaǵanda eń aldymen aǵaıynnyń basyn qosyp, bata alýǵa, úlkenniń aq tilegine, jastardyń tárbıesine mán bergen. Toıdyń sáni qymbat ánshide nemese shekten shyqqan bezendirýde emes, eldiń birligi men aq dastarqanda bolǵan.

Toı tek kóńil kóteretin jıyn emes, urpaqqa tálim-tárbıe beretin, din men dástúr qundylyqtaryn boıyna sińiretin mańyzdy sáttiń biri. Toıda jastar úlkendi syılaýdy, týystyq qatynasty, izettilikti, bata alýdy, ulttyq salt-dástúrdi kóredi. Sondyqtan toıdyń baǵdarlamasy da tárbıelik mazmunda bolǵany abzal. Buǵan toı ıeleri men asabalar kóbirek múddeli bolsa deımiz», - dedi Naýryzbaı qajy Taǵanuly.

Kezdesý barysynda asabalar da óz oılaryn ortaǵa salyp, usynys-pikirlerin jetkizdi.

















​

Pіkіrler Kіrý