MÚFTIIaTTA JAŃA TAǴAIYNDAÝLAR BOLDY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordada ótken Apparat jınalysynda jańadan taǵaıyndalǵan bólim basshylaryn tanystyrdy.
Atap aıtqanda, Bas múftı buıryǵymen Dinı basqarmada jańadan Strategııalyq taldaý jáne damý bólimi ashylyp, onyń meńgerýshisi bolyp Smaıyl Seıtbekov taǵaıyndaldy. Al Dinı bilim jáne kadr daıarlaý bóliminiń meńgerýshisi qyzmetine Hasan Amanqul, Dinı ońaltý bólimi meńgerýshisiniń mindetin atqarýshy bolyp Danııar Kenjalın taǵaıyndaldy.
«Múftııat jumysyn odan ári jandandyra túsý úshin Strategııalyq taldaý jáne damý bólimin ashý jóninde jyl basyndaǵy Baǵdarlyq baıandamamda aıtqan bolatynmyn. Bul bólimniń jumysyn din salasynda uzaq jyldyq tájirıbesi bar Smaıyl Súıerqululyna tapsyryp otyrmyz. Buryn medreselerde ustazdyq qyzmet etken Hasan Tashaıuly da Dinı bilim jáne kadr daıarlaý bóliminiń jumysyn jetildire túsetinine senimdimiz. Al Danııar Aıtbaıuly dinı ońaltý salasynda oblystyq meshitten bastap tájirıbe jınaqtap, múftııatta da jemisti qyzmet atqaryp keledi. Jańa taǵaıyndaýlar qutty bolsyn, eńbekterińizge tabys pen bereke tileımin» dedi QMDB Tóraǵasy.
