«Munara tv» dırektory fılıal jumysyn tekserdi (FOTO)

QMDB-ǵa qarasty «MUNARA TV» telearnasynyń dırektory Nurjan Talasuly Qaraǵandy oblystyq «Ánet baba» meshitine arnaıy at basyn buryp, arna fılıalynyń jumysyn tekserdi.

Qyzmettik sapar barysynda Nurjan Talasuly Qaraǵandy oblystyq ihsan.kz saıtynyń bas redaktory Aqjigit Orazalyulymen kezdesip, «IHSAN MEDIA» stýdııasynyń jumys barysymen tanysyp, stýdııanyń tynys-tirshiliginen habar aldy. «MUNARA TV» telearnasymen birlesip tyń dúnıelerdi jaryqqa shyǵarý, halyqqa rýhanı aqparat-nasıhat jumystaryn júrgizý maqsatyndaǵy birneshe jospardy talqyǵa saldy.

Sondaı-aq kezdesýde Temirtaý ortalyq «Álıhan Bókeıhan» meshitiniń ımamy Estaı Aıtýǵanuly «NAQYL MEDIA» stýdııasynyń qazirgi jumys barysymen tanystyryp, alǵa qoıylǵan maqsattaryn bólisti. Nurjan Talasuly Qaraǵandy oblysyna qarasty stýdııalardyń jumysyna rızashalyq bildirdi.

Aıta keteıik, qazirgi ýaqytta «IHSAN MEDIA» stýdııasy QMDB-nyń medıa salasyndaǵy jumys aýqymyn ulǵaıtýǵa ózindik úles qosyp keledi.