Naıb múftı álemdik dodaǵa attanǵan sportshylardy shyǵaryp saldy (FOTO+VIDEO)

Sáýir aıynyń 20-juldyzynda Birikken Arab ámirliginiń astanasy Abý Dabı qalasynda Djıý-djıtsý sporty boıynsha álemdik chempıonat bastalmaq. Sońǵy jyldary jastar arasynda erekshe serpin alǵan sport túrinen elimizdiń atynan birneshe qurama attanyp otyr. Solardyń biregeıi retinde Qaraǵandy quramasynan 20-ǵa jýyq sportshy baıraqty básekege joldama jeńip alǵan eken.

Bilekti jigitterdiń álemdik chempıonat aldynda jigerlerin janyp, qoldaý bildirýge QMDB tóraǵasynyń birinshi orynbasary, naıb múftı, Nur-Sultan qalasynyń Bas ımamy Naýryzbaı qajy Taǵanuly ózi kelip, izgi tilegin bildirdi. Saıdyń tasyndaı iriktelgen sportshylarymyzǵa sáttilik tilep, táýelsiz elimizdiń kókbaıraǵyn bıik ustap, Ánuranyn áýeletip qaıtýǵa shaqyrdy.

Kezinde Naýryzbaı qajy Taǵanulynyń tálimin kórip, taǵylymyn alǵan shákirt jigitter osyndaı dúbirli doda aldynda ustazdarymen júzdesip, qýanyshtan qanat bitkendeı. Aıtýly sapar aldynda aıtylǵan izgi tilek, aǵalyq keńes, júrekten tógilgen aq bata – elimizdiń atynan attanǵan sportshylarǵa artylǵan amanattaı sezildi.

Sportshylarymyzǵa sáttilik serik bolyp, jeńis tuǵyrynan kórinýin násip etkeı!