NAIB MÚFTI ELORDA IMAMDARYNA SEMINAR ÓTKIZDI (FOTO)

«Áziret Sultan» meshitinde QMDB Tóraǵasynyń orynbasary, naıb múftı Ońǵar Ershat Aǵybaıuly Astana qalasynyń ókildigine qarasty barlyq qalalyq meshittiń bas ımamdary men din qyzmetkerlerine, ustazdaryna arnaıy semınar ótkizdi.

QMDB jarııalaǵan «Islam jáne izgi qoǵam» jyly aıasynda «Quran tápsir tarıhy» taqyrybynda ótken bul basqosýdyń negizgi maqsaty ımamdardyń biliktiligin arttyryp, bilimin jetildirý, jańa deńgeıge kóterý bolyp tabylady.

Naıb múftı Ershat Aǵybaıuly kezdesý barysynda ımamdar men din qyzmetkerleriniń Etıkalyq (zaıyrly memlekettiń zańdary men erejelerin tolyq bilý, qarapaıymdylyq,  kópshiliktiń aldynda ýaǵyz aıtqanda sózge abaı bolý, keńpeıil-keshirimdi bolý, ǵaıbat sóılemeý, jamaǵatty bereke-birlikke shaqyrý, Allanyń ámirin oryndaýda múftııatqa baǵyný, dindi dáripteýde birlikte bolý t.s.s) tártibi men tárbıesi týraly oılarǵa da keńinen toqtaldy.

Semınar sońynda ımamdar tarapynan qoıylǵan birshama suraqtarǵa jaýap berdi.