Naýryz merekesine oraı «Qaıyrymdylyq jármeńkesi» uıymdastyryldy (FOTO)

22 naýryz 2019 403 0
Оqý rejımi

Qasıetti juma kúnine tuspa-tus kelgen Ulystyń uly kúni Astana qalasyndaǵy respýblıkalyq «Áziret Sultan» meshitinde arnaıy «Qaıyrymdylyq jármeńkesi» uıymdastyryldy. Merekeniń meıirin sezindire túsken jaımashýaq kún raıy da, kelýshilerdiń kóterińki kóńil-kúıleri de - meshit aýlasyndaǵy ulttyq merekeniń mańyzyn ańǵartyp, mereıin asyra tústi.

«Áziret Sultan» meshitiniń «Inabat» qyz-kelinshekter klýbynyń uıymdastyrýymen «Qaıyrymdylyq jármeńkesinde» jaıylǵan sóre toly tátti taǵamdar men ystyq tamaqtar, naýryzkóje syndy ulttyq taǵamdarymyz jamaǵatqa saýapqa toly saýda jasaýlaryna jol ashty. Kún kóterilisimen-aq jumysyn bastaǵan jármeńke saýdasy juma namazynan keıin de jalǵasyp, jamaǵattyń alǵysyna bólendi.

Aıta keteıik, birneshe jyl qatarynan ótkizilip kele jatqan dástúrli «Qaıyrymdylyq jármeńkesi» osyndaı merekeler qurmetine oraı jıi uıymdastyrylyp turady. Jármeńkeden jınalǵan qarjyǵa osy kezge deıin respýblıkalyq «Ana men bala» ortalyǵyndaǵy syrqat sábılerge turaqty túrde kómek kórsetilip keledi.

Sýretter toptamasyn «FOTOGALEREIa» aıdarynan kóre alasyzdar!

Pіkіrler Kіrý