Naýryzbaı qajy Taǵanuly «Áljan ana» meshitinde juma ýaǵyzyn ótkizdi (FOTO)

09 qarasha 2019 278 0
Оqý rejımi

Qasıetti juma kúni QMDB tóraǵasynyń birinshi orynbasary, naıb múftı Naýryzbaı qajy Taǵanuly «Áljan ana» meshitiniń jamaǵatymen júzdesip, saýapqa toly juma namazyn birge ótedi. Ardaqty Alla elshisiniń (Allanyń Oǵan sálemi men ıgiligi bolsyn) ǵıbratqa toly ǵumyry men ólmes ónegesi jaıly kórkem nasıhat aıtyp, jamaǵat jadyna Áz paıǵambardyń ósıeti men súnnetterin sińire tústi.

Namaz sońynda jamaǵatpen birge qol jaıyp, elge tynyshtyq tilegen Nur-Sultan qalasynyń Bas ımamy budan keıin «Astana» medrese-kolledjiniń qyzdar bóliminiń jaǵdaıymen tanysyp shyqty. Medresedegi shákirt qyzdarmen kezdesip, oqý barysynan habardar boldy.

Aıta keteıik, qyrkúıek aıynda «Áljan ana» meshiti janynan «Astana» medrese-kolledjiniń qyzdar bólimi ashylyp, 21 shákirt qabyldanǵan bolatyn.

Sýretterdi «FOTOGALEREIa» aıdarynan kóre alasyzdar!

 

 

Pіkіrler Kіrý