Naýryzbaı qajy Taǵanuly «Aqtóbe» medrese-kolledjiniń jaǵdaıymen tanysty (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Aqtóbe oblysyna barǵan jumys saparynda Alǵa aýdanynda ornalasqan «Aqtóbe» medrese-kolledjiniń jumysymen tanysty.
Medrese-kolledj dırektory Ábdimútáli Dáýrenbekov oqý ordasynda júzege asyp jatqan ıgi bastamalar jaıly baıandady.
«Jyl basynda din qyzmetkerlerine joldaǵan baǵdarlyq baıandamamda medrese-kolledjderdiń jumysyna nazar aýdardym. Medreseniń júregi sanalatyn ustazdardyń da jaǵdaıyn eskereýmiz kerek. Biz qazir medrese-kolledjderge arnalǵan biryńǵaı baǵdarlama ázirlep, «Úzdiksiz bilim berý kontseptsııasyn» daıyndadyq. «Jas maman, aýylǵa qadam bas maman» jobasyn qolǵa aldyq. Maqsatymyz – jas mamandardy aýylǵa dinı qyzmetke tartý, bilim sapasyn kóterý, meshitterdi bilimdi dinı kadrlarmen qamtamasyz etý», – dep atap ótti Naýryzbaı qajy Taǵanuly.
Oqý ordasynyń jumysymen tanysqan Bas múftı medrese-kolledj dırektoryna naqty tapsyrmalar berdi.