Naýryzbaı qajy Taǵanuly BAÁ-niń Qazaqstandaǵy delegatsııasyn qabyldady (FOTO)

Búgin Qazaqstan musylmandary dinı basqarmasy tóraǵasynyń birinshi orynbasary, naıb múftı Naýryzbaı qajy Taǵanuly BAÁ-niń Qazaqstandaǵy delegatsııasyn ótinishteri boıynsha qabyldady.

Atap aıtqanda, Saqr ben Mýhammad Ál Qasımı atyndaǵy gýmanıtarlyq jáne qaıyrymdylyq qorynyń bas dırektory Ahmad Rashıd Sýfa Áz Zaǵabı men Birikken Arab Ámirlikteri Elshiliginiń Úshinshi hatshysy Ammar Omar Al Breıkımen ekijaqty rýhanı baılanysty arttyrý, qaıyrymdylyq jumystaryna belsene aralasý jaǵy sóz boldy. Kezdesý barysynda sheteldik meımandar elimizdegi qurylysy toqtap turǵan jáne aldaǵy ýaqytta salynýy josparlanǵan bes meshitke qarjylaı kómek beretinin jetkizdi. Atalǵan saýapty is BAÁ qaıyrymdylyq qorlary arqyly júzege aspaq. Meshit qurylysyna qoldaý kórsetý týraly buǵan deıin Bas múftımen bolǵan ekijaqty kelisim negizinde jasalmaq.

Kezdesý sońynda naıb múftı meımandarǵa iltıpat kórsetip, syı-sııapat jasady. Sondaı-aq Ahmad Rashıd Sýfa Áz Zaǵabıde Dinı basqarmaǵa estelik syılyǵyn tapsyrdy.