Naýryzbaı qajy Taǵanuly Reseıdegi qazaq ımamdarymen kezdesý ótkizdi (FOTO)

Táýelsizdik merekesi qarsańynda QMDB tóraǵasynyń birinshi orynbasary, Astana qalasynyń jáne respýblıkalyq «Áziret Sultan» meshitiniń bas ımamy Naýryzbaı qajy Taǵanuly Reseıdegi qandas baýyrlarymyzdy qabyldap, kezdesý ótkizdi. Atamekenge arnaıy issaparmen at basyn tiregen reseılik delegatsııa quramyndaǵy Samar oblysynyń bas ımamy Erbol Saǵyndyqov, úsh aýdan bas ımamy Ramıl Mustafın, Saratov oblysynyń naıb ımamy Dúıseqazıev Nurlybek bastaǵan top elimizdiń Bas meshitin zııarat etip, birqatar dinı máseleler boıynsha keńesip qaıtty.

Ulyq mereke qarsańyndaǵy keleli kezdesý barysynda Reseıdegi qazaq ımamdarynyń biliktiligin jetildirý maqsatynda Qazaqstanǵa oqýǵa jiberip turý jaıy usynylyp, keıbir talasty taqyryptar boıynsha QMDB Pátýa bóliminiń kómegine júginý jaıy qozǵaldy. Kezdesý sońynda Reseıdegi Islam dini, qazaq jurty jaıly syr shertetin tarıhı eńbekterin tartý etip, rızashylyqtaryn bildirdi.

Sýretterdi «FOTOGALEREIa» aıdarynan kóre alasyzdar!