NAÝRYZBAI QAJY TAǴANULY RESPÝBLIKALYQ BAS MEShITTE QURAN HATYM DUǴASYN JASADY

Qazaqstan musylmandary dinı basqarmasynyń tóraǵasy Naýryzbaı qajy Taǵanuly qasıetti Qadir túni elordadaǵy Respýblıkalyq Bas meshitte jamaǵatpen júzdesip, Quran hatym duǵasyn jasady.

Bas múftı jamaǵatty myń aıdan da qaıyrly bolǵan Qadir keshimen quttyqtap, Qurandy tolyq hatym etken qarılarǵa aıryqsha alǵysyn bildirdi. Qadir túniniń artyqshylyǵyna toqtalyp, jınalǵan kópshilikke nasıhat aıtty.

«Ardaqty Paıǵambarymyz (oǵan Allanyń salaýaty men sálemi bolsyn): «Alla Taǵala kúnderdiń sultany etip juma kúnin, aılardyń sultany  etip Ramazan aıyn, túnderdiń sultany etip Qadir túnin tańdady», – degen.
 
Bul túnde jer betindegi eń qadirli mekende, perishtelerdiń eń qadirlisi Jábireıil perishte, Paıǵambarlardyń eń qadirlisi Paıǵambarymyz Muhammed Mustafaǵa (oǵan Allanyń salaýaty men sálemi bolsyn), qasıetti Qurandy túsirgen. Endeshe, kimde kim qadir túnin qadir tutyp, laıyqty túrde qulshylyqpen ótkizer bolsa, ol adam da eki dúnıede qadirliler qatarynda bolmaq» dedi Naýryzbaı qajy Taǵanuly. 

Sondaı-aq, Bas múftı jamaǵatpen birge Quran hatym duǵasyn jasap, eldiń amandyǵy men jurtymyzdyń tynyshtyǵyn tiledi.

















​