NAÝRYZBAI QAJY TAǴANULY SEMEIDE JUMA ÝAǴYZYN AITTY (FOTO)

23 qyrkúıek 2022 545 0
Оqý rejımi

Semeı qalasyna sapary barysynda Bas múftı Naýryzbaı qajy Taǵanuly Abaı oblysynyń ortalyq meshitinde jamaǵatqa «Er adamnyń otbasy aldyndaǵy jaýapkershiligi men mindeti» taqyrybynda ýaǵyz aıtyp, juma namazyn ótkizdi. 

«Otbasy bosaǵasynyń berik, shańyraǵynyń bıik bolýy, ondaǵy januıa músheleriniń tatý-tátti ómir súrýi – bir-birleriniń aldyndaǵy otbasylyq mindetterdi jaýapkershilikpen oryndaýlaryna tikeleı baılanysty. Babalarymyz «Eki jaqsy qosylsa, ólgeninshe dos bolady, eki jaman qosylsa, ólgeninshe ósh bolady» dep tekten tek aıtpasa kerek. 

Asyl dinimiz Islamda áıel adamnyń eri aldynda oryndaýy kerek mindetteri bolǵanyndaı, er adamnyń da áıeli aldynda atqaratyn mindetteri bar» degen QMDB Tóraǵasy er adamnyń áıeli aldyndaǵy mindetterin atap, otbasy qundylyǵy týraly nasıhatyn jetkizdi.

Ár otbasynda bereke men birlik oryn alýy úshin erli-zaıyptylar arasyndaǵy aqysyn oryndaý er men áıelden birdeı talap etiledi. Er azamat otbasynyń negizgi jaýaptysy ári tárbıeshisi bolǵandyqtan, ásirese otaǵasy jaǵynan osyndaı kórkem sıpattar kóptep kórinis tabýy qajet dep sóz túıindegen Dinı basqarma tóraǵasy jamaǵatpen birge duǵa jasap, eldiń amandyǵyn, tynyshtyǵyn tiledi.

Pіkіrler Kіrý