NAÝRYZBAI QAJY TAǴANULY SEZDIŃ QURMET MEDALIMEN MARAPATTALDY (FOTO)

11 qazan 2023 1235 0 Оqý rejımi

Búgin Memleket basshysy Qasym-Jomart Toqaevtyń sheshimine sáıkes Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Álemdik jáne dástúrli dinder lıderleri seziniń Qurmet medalimen marapattaldy.

Medaldi Qazaqstan Respýblıkasy Parlamenti Senatynyń Tóraǵasy – Álemdik jáne dástúrli dinder kóshbasshylary Sezi Hatshylyǵynyń Basshysy Máýlen Áshimbaev tabystady.

Aıta ketsek, búgin Astana qalasynda Beıbitshilik jáne kelisim saraıynda Álemdik jáne dástúrli dinder lıderleri sezi hatshylyǵynyń HHI otyrysy ótti. Hatshylyq otyrysynda álemniń 23 elinen kelgen din lıderleri men ókilderi Álemdik jáne dástúrli dinder kóshbasshylarynyń VII Sezinde qabyldanǵan Deklaratsııadaǵy maqsat-mindetterdiń iske asyrylý barysyn talqylady. Sondaı-aq Memleket basshysynyń tapsyrmasymen ázirlengen Sezdiń 2023-2033 jyldarǵa arnalǵan damý tujyrymdamasy bekitildi.

Pіkіrler Kіrý